As cociñas son un espazo doméstico moi particular. Ao pé do lume, non só se elaboran e cociñan pratos e doces, tamén se despregan historias, contos ou anécdotas. E arredor deste tipo de relatos, recollido ao abeiro do proxecto “Ao pé do lar: Memorias de Cociña”, tecíase o espectáculo que a narradora oral Solle Fellozaba presentaba na noite do 18 de xullo na vila do Castro (O Barco), xunto á súa torre medieval.
Con “O Comezo do Mundo-Novas Historias” levaba ao escenario do XIII Ciclo “De Perto” as voces femininas “para contar de tempos sen tempo”. As historias de mulleres que lle abriron as portas da súa casa a esta contadora uruguaia que conta en galego.
Fotos: Carlos G. Hervella.
