Un total de doce establecementos do Barco participan na campaña “Máis Rebaixas”, organizada pola asociación Centro Comercial Aberto (CCA), que poñerá punto e final ás rebaixas de verán con grandes descontos en produtos da tempada estival.
Desde o luns 25 ao sábado 30 de agosto, os establecementos participantes, pertencentes a diferentes sectores de actividade, ofrecerán aos seus clientes produtos a prezos moi rebaixados. Estes situarán un espazo nas súas tendas cos produtos en promoción, ou exhibiranos no exterior dos seus locais, colocados en burros ou mesas na beirarrúa; sen entorpecer o paso aos peóns.
Os clientes poderán identificar os comercios participantes a través dun cartel promocional.
Os locais participantes son: Ana de la Puente, Baamonde, Boutique Glory, Boutique Suá, Can-Can, Eneska, Garoba, Montglam, N37, O Bambán dous Sorrisos, Ton y Son, Tríos 2.0.
