Continúa a campaña de vendima na DO Ribeira Sacra. A data do 28 de setembro, recolléronse 4.363.959 quilos de uva, cun total de 24 adegas activas, 59 finalizadas e 9 pendentes de iniciar o proceso, segundo informaba hoxe o seu consello regulador.
En canto a variedades, contabilízanse 3.319.441 quilos de uvas tintas, principalmente Mencía (3.034.056 kg), xunto con Merenzao, Garnacha e Brancellao. As uvas brancas acadan os 1.044.519 quilos, con predominio de Godello (908.385 kg), seguidas de Treixadura, Albariño, Branco Lexitimo e Dona Branca.
Consciente da importancia da vendima no desenvolvemento vitivinícola e económico da Ribeira Sacra, o Consello Regulador mantén o seu compromiso coa transparencia. Por iso, durante todo o período de vendima comunicará semanalmente a evolución da campaña.
- Variedades tintas: 3.319.441 kg
- Mencía: 3.034.056 kg
- Garnacha: 73.822 kg
- Brancellao: 37.784 kg
- Merenzao: 49.889 kg
- Caiño: 26.416 kg
- Grao Negro: 790 kg
- Mouratón: 6.400 kg
- Sousón: 74.181 kg
- Tempranillo: 16.103 kg
- Variedades brancas: 1.044.519 kg
- Albariño: 60.094 kg
- Godello: 908.385 kg
- Treixadura: 54.191 kg
- Branco Lexitimo: 9.317 kg
- Dona Branca: 7.714 kg
- Loureira: 3.790 kg
- Torrontés: 938 kg
- Caiño Branco: 90 kg