Saborear e aprender a valorar dende o punto de vista dun catador os produtos de Valdeorras tamén é posible nesta V Exposición Agrogandeira de Trevinca “Crianza Trevinca”, que se está a desenvolver nesta fin de semana no Coiñedo, na Veiga. Así o programa inclúe diversas catas dirixidas pola enóloga María Eugenia Medina e tamén degustacións para os visitantes da mostra.
Así este mediodía desenvolvíase a primeira das catas do programa, con viños da Denominación de Orixe Valdeorras maridados con queixos “Cumbres de Trevinca” e uvas.
Para mañá está prevista unha nova cata dirixida por esta enóloga na que os viños valdeorreses se acompañarán de mel “Montañas de Trevinca” e uvas.
Estas catas teñen aforo limitado e para participar nelas é preciso inscribirse previamente en centroapicolaprada@gmail.com.
Fotos: Carlos G. Hervella.