Novo podio nacional para o marchador valdeorrés Mateo Valcarce, que formaba parte da Selección Galega Sub16 que nesta fin de semana está a disputar o Campionato de España por Federacións Autonómicas, en La Nucía (Alacante).
O atleta do Club Adas Cupa do Barco lograba un segundo posto na proba dos 3 km marcha, cun rexistro de 13:18.08, só superado por Jorge Ruiz Gómez, cunha marca de 13:04.36.
Da representación galega en La Nucía tamén formaban parte outras dúas atletas, unha delas Paula Cela, que tamén competía nos 3 km, onde lograba unha meritoria décima posición cun rexistro de 16:32.82.
Ademais, Tania Peláez, en remudas, desputará a súa proba neste domingo.
