Bombonas de butano, paraugas, pelotas, caixas de ferramentas, bucinas, bolsas de lixo… Calquera elemento válelles para converter en vistosos números musicais cheos de enxeño e humor. E así o demostraban Producións Yllana e Toom Pak sobre o escenario do Teatro Lauro Olmo do Barco na noite do 11 de outubro ante numerosas persoas.
A obra desenvolvíase nun centro de reciclaxe de lixo, onde catro imaxinativos operarios daban novos usos a todo tipo de refugallos que chegaban ao lugar, facendo pensar ao público, con humor, sobre o exceso de consumismo da nosa sociedade.
Fotos cedidas.