O Concello de Sober retomará polo San Martiño, patrón das parroquias á que pertence a capitalidade, as Festas do Carme que tivo que suspender por mor do incendio que afectou á localidade o pasado 19 de setembro.
En concreto, haberá tres xornadas de festa, os días 7, 8 e 9 de novembro.
Venres día 7
O venres día 7 ás 12:00 horas Os Bolechas visitan o CEIP Plurilingüe Virxe do Carme co seu espectáculo ‘O Gran Reto’. Ás 20:00 horas vaise celebrar o II Torneo de Catán.
Pola noite, a partir das 22:00 horas será a actuación da Orquestra Olympus.
Sábado día 8
O sábado haberá misa solemne ás 12:00 horas e ás 14:00 horas paellada xigante e magosto co acompañamento musical do dúo Charada.
Ás 21:00 horas fará o primeiro pase a Orquestra Los Coleguitas e ás 23:30 horas o segundo. Ás 22:00 horas haberá un concerto de Roi Casal.
Domingo día 9
A celebración arranca co pasarrúas a cargo da Banda de Música de Sober.
Ás 13:00 horas haberá misa presidida polo bispo da diocese de Lugo Alfonso Carrasco e acompañamento musical do Coro Berea.
Ás 14:00 horas concerto vermú coa Banda de Música de Sober.
Ás 21:00 Espectáculo ‘A Historia da Verbena Galega’ coa Orquesta La Oca Band e o humorista Manuel Manquiña.
Fotos cedidas.
