Multitudinaria, difícil na primeira parte do percorrido, inédito neste 2025, e rápida no tramo final. Así era a carreira absoluta da 48º edición da San Martiño que na mañá deste domingo 9 de novembro reunía a máis de 3.500 corredores de toda Galicia.
Entre os homes, o máis rápido cun tempo de 30:14 era David de la Fuente Gómez (CD Pinarium) de Marín; seguido de Iván Puentes Barcia (Club Atletismo Narón) de Ferrol que completaba os 10 km polas rúas de Ourense nun tempo de 30:20; e Yago Ignacio García Saínz (Club Atletismo Pino) de Santiago cun tempo de 30:47.
Na categoría feminina non houbo sorpresa e Ester Navarrete Santana (Puma) de Vigo volvía proclamarse campioa na carreira ourensá, cun tempo de 33:48. No segundo e terceiro posto, dúas atletas do Club Atletismo Femenino Celta, Alice Finot de Ponteareas cun tempo de 34:37 e Eva piñel Lorenzo da Guarda cun tempo de 34:38.
Con bos resultados remataba o Club Adas Cupa do Barco de Valdeorras. Alejo Ares entraba no top ten da xeral, cun 9º posto nun tempo 32:19, e no podio da categoría Máster 35 co segundo posto. Conchi Prada era terceira en Máster 45 e Iria Fontela tercira en Máster 40.
O primeiro ourensán era Alejandro Fernández Rivera (Máster 40) que entraba na cuarta posición cun tempo de 30:49.
Fotos: Mónica G. Bellver.
Máis información e fotos:
A 48ª Carreira Pedestre Popular do San Martiño enche de atletas a cidade de Ourense