O Ministerio de Transportes e Mobilidade Sostible vén de licitar un contrato de obras para a rehabilitación do firme da autovía A-52, entre os quilómetros 138 e 176, ao seu paso polos municipios da Gudiña, Riós, Vilardevós, Verín, Monterrei e Cualedro, na provincia de Ourense. A licitación ten un orzamento de 17,6 millóns de euros (IVE incluído).
Con esta actuación preténdese garantir a seguridade viaria dos usuarios, recuperar a capacidade estrutural e funcional do firme e conservar adecuadamente o patrimonio viario de titularidade pública.
A autovía A-52 é unha vía de alta capacidade crave para a mobilidade, o transporte de mercadorías e persoas, e a cohesión territorial do noroeste peninsular, ao unir o sur de Galicia coa Meseta Central.
Descrición dos traballos
As solucións de rehabilitación estrutural que se expoñen consisten na combinación de eliminación parcial e reposición do firme existente cun recrecido, estendendo unha nova capa de rodadura ao obxecto de aumentar significativamente a capacidade estrutural do firme para adecuala ás accións do tráfico e ampliando, deste xeito, o seu período de vida útil, tal e como informa o ministerio
Igualmente, a licitación contempla a execución das seguintes actuacións:
Reposición das xuntas de dilatación dos viadutos e pasos superiores.
Reposición de expiras de aforo de tráfico.
Repintando das marcas viarias con pintura termoplástica en quente.
Execución nos bordos da calzada de guías lonxitudinais sonoras fresadas
A actuación inclúese dentro do programa de conservación e mantemento da Rede de Estradas do Estado, no que Ministerio de Transportes investiu 111,76 millóns de euros desde xuño de 2018, na provincia de Ourense.