Un ano máis a Asociación Sabugueiro da Rúa Vella pon en marcha o engranaxe para a Festa da Empanada de Costrelas que este ano chega á XXIII edición.
A cita gastronómica será nesta ocasión o sábado 27 de decembro a partires das dúas da tarde na carpa climatizada ubicada no campo de San Roque onde os comensais poderán degustar un menú a base de sopas de allo, empanada de costelas e torta de roxóns, á parte de viño, café e licores.
As entradas (22 euros) estarán á venda ata o 25 de decembro en O Colmado, Esconditte Inglés, Peluquería Esencia e Xardinalia Floristería. O baile fin de festa correrá un ano máis a cargo da disco móbil ‘A Pimentoneta’.
