Como vén sendo habitual xa no Nadal, o domingo 28 de decembro, a Coral Aqua Música de Ourense, da man da sua directora Mari Carmen, percorría os bares de Parada de Sil xusto antes do xantar, na hora do aperitivo, cantando distintas panxoliñas.
Xa pola tarde, ás 16:30h. esta coral ofrecía un recital no Xeriátrico Luces do Sil, xa que un dos obxectivos do Nadal, segundo comenta o alcalde Aquilino Domínguez, “é axudar a que a felicidade chegue a todas as partes, e neste caso aos máis maiores dos que tanto aprendimos”. O rexedor de Parada de Sil agradece a esta agrupación coral a realización desta actividade, que levaba a cabo de xeito altruísta e solidario.