A parroquia barquense de Veigamuíños prepárase para celebrar a festa do seu patrón, Santo Tirso, polo menos no que respecta ao apartado relixioso.
O día propio era hoxe, 28 de xaneiro pero os veciños e o párroco decidían hai xa uns anos celebrar os cultos na última fin de semana do mes. Así, o sábado 28 de xaneiro ás 12 horas terá lugar a procesión coa imaxe do santo seguida da misa solemne na igrexa parroquial. A imaxe do santo que se conserva na igrexa parroquial de Veigamuíños, está representada cunha serra de man e a palma de martirio, ollando cara o ceo.
Á parte dos cultos, o que tampouco faltará nas Festas de Santo Tirso son os xogos para os nenos e o campionato de tute que cada ano organiza a Asociación de Mulleres Rurais de Veigamuíños.