Chegou o día. Arredor das 14 horas deste sábado 31 de xaneiro, abriranse as portas do pavillón municipal da Rúa, no Aguillón, para celebrar o xantar da XVII Festa do Codillo ao que asistirán máis de 1.150 persoas.
E para que todas elas sepan onde teñen que sentarse, o Concello vén de publicar a organización das mesas.
O programa arrincaba onte pola noite cos III Cantos de Taberna do Codillo e continúa na mañá deste sábado co acto institucional ás 12 horas no Centro Cultural Avenida onde homenaxearán á Panadería Tabal.