Con motivo do Día da Muller (8M) dende o Club Arqueiros do Sil da Rúa convidan ás mulleres a probar o tiro con arco. Será o luns 9 de marzo de 19 a 20 horas nas instalacións do CEIP Manuel Respino nunha xornada especial de portas abertas.
“Este deporte ten múltiples vantaxes e beneficios tanto para o corpo como para a mente”, din dende Arqueiros do Sil, asegurando que a metade dos membros do noso club está formado por mulleres. “Aquí somos todas e todos compañeiros sen distinción de xénero. Por una liña de tiro máis equilibrada, atrévete a probar”, convidan.
