Esta mañá vén de presentarse o cupón da ONCE dedicado á olería tradicional de Gundivós do que xa saíron á venda cinco millóns de boletos para o sorteo do 18 de marzo.
Ademais do alcalde de Sober, Luis Fernández Guitián, tamén participaba no acto celebrado na Reitoral de Gundivós, xunto ao director xeral de Comercio e Consumo, Gabriel Alén, a xerente da Fundación Artesanía de Galicia, Elena Fabeiro, e o alfareiro Elías González, entre outros.