O Concello de Parada de Sil segue a apostar pola sostibilidade turística, coa posta en marcha do bus lanzadeira, en colaboración co Inorde. O alcalde de Parada de Sil,Aquilino Domínguez, manifesta que, a pesares de que este medio de acceso ao mosteiro reduce o número de visitantes, a decisión do Concello é de mantelo definitivamente e ademais agarda superar con creces este ano o número de usuarios do ano pasado que dende o dezasete de abril ao vinte foi de 470.
Neste Xoves Santo o número de usuarios con reserva acada os 73, pero como vén sendo habitual moitas persoas achéganse a collelo sen reserva, que dende turismo do Concello insístese en que é moi importante para asegurara a visita, facela reserva. O bus realiza una parada no Camping Canón do Sil na aldea de Castro, tanto na subida como na baixada.
Tamén se informa dende o Concello que vén de adxudicarse un proxecto que permitirá aos usuarios dunha plataforma que, de xeito gratuíto, poderán descargarse no móbil, permitirán realizar unha visita guiada, así como visualizar a vida dos monxes neste mosteiro. Este proxecto finánciase con fondos de Reto Demográfico do goberno de España.
Por último, dende o Concello lémbrase que o mosteiro permanecerá aberto todos os días, agás os luns.