Aínda que o Entroido xa foi en febreiro, as figuras tradicionais das parroquias do concello do Bolo tamén se promocionaron durante a celebración da XVI Festa da Vitela no pavillón polideportivo do Bolo. De feito, as figuras do Touro e o Xigante de Celavente e a Mázcara de Buxán tiveron o seu espazo no recinto da feira para que todos os visitantes puideran velas e coñecer a súa historia.
Estas figuras foron recuperadas polos veciños destas parroquias e o Concello quere impulsar o seu coñecemento con este acto e outros que están preparando de cara ao futuro. Ademais dentro dos actos incluínos nesta edición da festa estaba a homenaxe aos voluntarios na extinción dos incendios de agosto e setembro e a lembranza á “Cantareira de Lentellais”, Jacinta Fernández.
Fotos cedidas e Carlos G. Hervella.