Un total de oito recoñecementos veñen de conseguir os viños da Denominación de Orixe Valdeorras no prestixioso Concours Mondial de Bruxelles, que se celebraba do 21 ao 23 de maio en Ereván (Armenia) e cuxos resultados veñen de facerse públicos. Todos eles eran na categoría de viños tranquilos.
Especialmente destacada resulta a Medalla de Prata que conseguía Adegas Ruchel polo Ruchel Branco 2025, godello. Os outros sete viños eran distinguidos co selo CMB Merit 2026: o Mil Ríos Godello sobre lías branca 2024 de Terriña, o Viñaredo godello 2025 de Santa Marta, o Fardelas 2025 e A Cercada 2025, tamén de Santa Marta; Al Oeste do Monte Godello 2024 de Bodegas y Viñedos Monteabellón e o Godeval Revival 2023 e o Godeval Cepas Vellas 2024 de Godeval.