Entre os relatores da III Xornada de novas investigacións en lingua galega, que está prevista para o 18 de xuño, a partir das 15:30 h., estará o filólogo e investigador vianés Pedro Basalo Bembibre, do Centro de Estudos Galegos, Università di Padova. O encontro celebrarase en formato virtual a través de MS Teams e tamén poderá seguirse de maneira presencial desde a aula 111 do IÜD.
A xornada, que é unha actividade do CEG de Heidelberg, reunirá investigadoras e investigadores de diferentes universidades e centros arredor de traballos recentes vinculados á lingua, á cultura e aos estudos galegos. Así, no caso de Pedro Basalo, o seu relatorio levará por título “Investigación do Entrudio de Viana do Bolo: premisas, obxectivos, resultados parciais” e está previsto para as 17h.
Basalo explica que este traballo xurdía a raíz da preparación dun artigo para a revista “Entroido en Galicia”, que edita o Periódico O SIL e da que é colaborador habitual.
