Pouco antes das catro desta tarde de domingo producíase un accidente de tráfico na estrada OU-540, en Vilanova dos Infantes (Celanova). Unha moza resultaba atropelada e estaba ferida grave. “A moza foi evacuada en helicóptero medicalizado ao Complexo Hospitalario Universitario de Ourense (CHOU)”, segundo o 112 Galicia, que tamén indica que, segundo a información recoliida, “a moza ía acompañada doutra persoa cando foi alcanzada polo vehículo. De feito, o acompañante necesitou atención psicolóxica especializada e púxoselle en contacto co Grupo de Intervención Psicolóxica en Catástrofes e Emerxencias (GIPCE)”.
Pola súa banda, o equipo de Urxencias Sanitarias de Galicia-061 organizou o traslado urxente da ferida, xa que, segundo apuntaron os axentes da Garda Civil de Tráfico, o seu estado era grave. Ademais, os profesionais sanitarios trasladaron a dúas persoas máis.