Xornada de Portas Abertas con degustación dxunto cunha visita guiada totalmente diferente á Casa do Chocolate de Teimende (Parada de Sil). Así se celebrará o sábado 4 de xullo o Día Mundial do Cacao en Parada de Sil.
Será unha actividades con moita participación de nenos do municipio, adianta o Concello, e o seu alcalde, Aquilino Domínguez, quere agradecer publicamente aos técnicos de turismo a súa implicación diaria na promoción de Parada de Sil e neste caso do espazo museístico A Casa dDo Chocolate
“Faremos duas visitas teatralizadas contando a historia do cacao dende o seu descubrimento ate a actualidade, coñeceremos a personaxes moi interesantes na historia do cacao; como o último emperador dos Mexicas: Cuauhtémoc; o emperador azteca: Moctezuma; o descubridor Hernán Cortés; o abade do Mosteiro de Pedra, Frai Antonio de Álvaro; os infatigables traballadores do cacao; a elegante aristocracia do século XVIII e a laboriosa e valente Familia Casares”, segundo indican dende a Oficina de Turismo de Parada de Sil.
E piden que, como este día a Casa do Chocolate terá as entradas gratuítas, “rogamos reservar con antelación no 689683713 ou no email *turismo@paradadesil.es