O Concello do Barco vén de informar de que, “por mor do aviso da Dirección Xeral de Emerxencias e Interior, dun episodio de fenómenos meteorolóxicos adversos para Valdeorras, e sen a posibilidade de uso do Teatro Lauro Olmo debido ás obras de substitución das butacas, o Concello do Barco vese na obriga de adiar” o espectáculo do XIV Ciclo De Perto, protagonizado por Quico Cadaval e Celso Sanmartín, “Dous ollos de vidro”, previsto para hoxe venres ás 22:30 horas na Praia Fluvial do Malecón, para o mércores día 29 de xullo ás 20:30 horas.