Na mañá deste xoves 30 de xullo os membros do GES de Ribadavia liberaban, tras retirar as portas do vehículo, a unha persoa que se saíra da vía e caía co seu coche por un desnivel en Carballeda de Avia.
Tal como explican dende o 112 Galicia, “minutos antes das 7 horas un particular informaba de que vía un coche accidentado nunha zona de difícil acceso á altura do quilómetro 2 da OU-0306. O vehículo quedou nun desnivel e o seu ocupante precisaba asistencia sanitaria e axuda para saír”.
Desde o 112 Galicia alertaban a Urxencias Sanitarias de Galicia-061, a Garda Civil de Tráfico, os Bombeiros do Carballiño e o GES de Ribadavia. Tras ser liberada, a persoa era evacuada en ambulancia polos profesionais sanitarios.