A Policía Local de Ourense informa de que, con motivo da evolución dos traballos que se están a levar a cabo na estrada N-120, de titularidade do Ministerio de Transportes e Mobilidade Sostible, hoxe, martes, 15 de setembro, restablecerase o tráfico rodado na estrada N-120, en sentido Vigo, á altura do supermercado Eroski.
No entanto, simultaneamente procederase ao corte do tráfico rodado en dirección a Vigo desde a glorieta situada na confluencia das rúas Río Arnoia e Eulogio Gómez Franqueira, á altura da antiga estación de autobuses. Este tramo coincide co vial situado na parte posterior do restaurante Rías Baixas. Permanecerá aberto á circulación un carril baixo a rotonda, con saída e incorporación á N-120 cara a Vigo.
Os vehículos procedentes de Río Arnoia e Gómez Franqueira que pretendan continuar en dirección Vigo deberán acceder á glorieta e circular inicialmente en sentido Madrid pola N-120 y continuar ata a rotonda da Tolerancia, onde poderán efectuar o cambio de sentido para continuar a súa marcha en dirección Vigo.
A Policía Local roga aos condutores que “extremen a precaución, respecten a sinalización provisional instalada e atendan en todo momento ás indicacións dos axentes encargados da regulación do tráfico”.
Autobuses urbanos
O corte de tráfico afectará ás rutas de 3 liñas do servizo de autobuses urbanos: Liña 3 (O Cumial-Santa Cruz), Liña 4 (Seixalbo-Eirasvedras) e Líña 12 (O Fonsillón-Fechos). Seguirán un percorrido alternativo en sentido de saída da cidade: Antiga rotonda da estación de autobuses – N 120 (sentido Madrid)-Glorieta da Tolerancia (Ponte do Ribeiriño, cambio de sentido)-N 120 dirección Quintela, Santa Cruz e Fechos.