Un ano mais o Ateneo de Ourense recorda a Xosé Henríque Rodríguez Peña coa celebración do “Memorial Peña Aberto Xadrez Activo” que se desenvolverá o vindeiro 10 de outubro.
Segundo as bases, o torneo, organizado polo Ateneo de Ourense coa colaboración do Espazo Xove de Ourense e o Club Xadrez As Burgas, será valedeiro para ELO Fide de rápidas e rexerase polas Leis do Xadrez segundo as regras do Xadrez rápido, sendo obrigatorio ter licenza en vigor da tempada actual.
Terá lugar no pavillón do Espazo Xove de Ourense (úa Celso Emilio Ferreiro, 17, baixo) a partir das 16:30 h. a 7 roldas, 10 minutos + 3 s. por xogador por sistema suízo emparellados co programa informático Vega.
As inscricións son gratuítas e estarán abertas ata o xoves día 8 nos correos xadrezateneo@gmail.com e xadrezasburgas@gmail.com, enviando nome, apelidos, club e ID.
