Multitudinaria terceira edición da “Carreira Solidaria da Garda Civil de Ourense, Pilar 2026”, que se celebraba na mañá deste domingo 4 de outubro. Esta proba, que contaba con tres categorías diferentes, ten como obxectivo recadar fondos para ASPANAS, asociación de familiares de persoas con discapacidade intelectual de Ourense.
O punto de partida da carreira e tamén a meta era novamente a Praza Maior da cidade de Ourense. A proba absoluta tiña lugar ás 11.00 horas e recorría un trazado de 6.350 metros polas principais rúas de Ourense. Os máis pequenos tamén tiñan o seu espazo. Así, os corredores de entre 7 e 12 anos disputábanse unha carreira de 1.000 metros ás 12.30 horas. Ademais había unha competición en categoría pitufos, para participantes de 0 a 6 anos. Comezaba ás 12.45 horas e seu percorrido simbólico era de 100 metros.
Entre os numerosos participantes desta edición, uns 1280, non faltaba a presenza valdeorresa. Así acudía o veterano atleta Paco Bao e Martín Cazorla. No caso de Bao, do Club Adas Cupa do Barco, esta era a súa carreira número 850.
Na categoría absoluta o ganador desta edición da carreira era Marcos Oro (Atletismo Arenteiro), cunha marca de 00:19:43. En segunda posición entraba Daniel Rodríguez Silva e na terceira situábase Alejandro Montero (SD Compostela). En categoría feminina absoluta impoñíase Miriam Sarmiento (00:24:35) do Corredores do Miño, Purificación Anegas era segunda e Marta Solla (Corredores do Miño), terceira.
Fotos e vídeo cedidos.
