A esperada primeira edición da Nocturna do Xeoparque Montañas do Courel desenvolvíase na noite do sábado 3 de outubro, en Ribas de Sil, contando con 250 inscritos entre as probas deportivas e unha andaina non competitiva de 8 km. Esta primeira edición concluía “cun rotundo éxito organizativo e de participación nun entorno natural privilexiado”, en palabras dos seus promotores. Ademais, o evento contaba coa celebración de carreiras infantís, que colleitaron un grande éxito e unha notable participación entre os máis pequenos e as súas familias.
A xornada coroou a Javier Janeiro Cerdeira e Elena Castro Rumbo como os grandes triunfadores da proba raíña de 16 quilómetros, así como a Marta Rivera Vázquez —gañadora absoluta dos 10 quilómetros— e José Antonio Orozco Vázquez.
Baixo a luz dos frontais e cun ambiente festivo no núcleo da carreira, os participantes das probas de 16 km( A Nocturna) e 10 km (A Carreiriña), así como os sendeiristas e afeccionados ás camiñadas nocturnas que desfrutaron da andaina de 8 km, afrontaron un trazado técnico que puxo a proba a resistencia, a orientación e a destreza dos atletas na penumbra das montañas lucenses. Cómpre destacar a altísima participación feminina nesta edición, acadando un notable 42% do total de inscritos no conxunto do evento, o que consolida a Nocturna do Xeoparque como un referente de inclusión e igualdade no trail running.
Dominio de Janeiro e Castro nos 16 km de A Nocturna
Na categoría masculina, Javier Janeiro Cerdeira (Independente) impuxo un ritmo firme dende os primeiros compases do percorrido, detendo o cronómetro nun tempo gañador de 1:49:57. Tras el, José Manuel Vázquez Pose (Toxos e Birras) firmou unha brillante segunda posición cruzando a meta a 3 minutos e 7 segundos (1:53:04). O podio completouno Diego Lorenzo Muñoz (C.D. 21 Leguas), quen detivo o reloxo en
2:01:12 (+11:15).
Pola súa banda, a categoría feminina viviu unha emocionante pugna na cabeza de carreira. Elena Castro Rumbo (Independente) demostrou unha excelente lectura da proba nocturna para alzarse coa vitoria cun rexistro de 2:15:55. Diana Domínguez Pereira (Trail Running Nigrán) apertou ata o final para meirande seguridade do segundo posto cun tempo de 2:18:17 (+02:22), mentres que Aida Rodríguez Rivera
(Independente) completou o podio feminino ao parar o tempo en 2:28:52 (+12:57).
Clasificación Feminina 10 km
Na distancia de 10 quilómetros, a vitoria absoluta recaeu na categoría feminina, xa que Marta Rivera Vázquez se impuxo na clasificación xeral cun tempo de 1:20:15, superando a todos os participantes masculinos da proba.
Fotos cedidas pola organización da carreira.
