As pistas de atletismo Luis Nogueira, situadas no estadio de Calabagueiros (O Barco), enchíanse na tarde deste 24 de outubro de deportistas e dun numeroso público. Acollían o Campionato galego Sub10 e Sub12 de clubs, que reunía a 37 equipos femininos e masculinos Sub10 e Sub12 de diferentes clubs galegos.
Así, na cita participaban preto de 400 atletas, segundo os datos de inscritos que manexaba a Federación Galega de Atletismo, en representación dos clubs Adas Cupa do Barco, Atletismo Deza, Atletismo Piringalla, Alancar Atletismo, Lucus Caixa Rural Galega, Sanysec-Ourense, At. Femenino Celta, Atlética Lucense, Atletismo Obradoiro, C.A Millaraio, C.D La Purísima, Atletismo Narón, Ferrol Atletismo, Olympo As Pontes, Gimnástica Pontevedra e Vila de Vigo.
Tres podios para o Adas Cupa no galego de clubs Sub10 e Sub12 celebrado no Barco
Nesta galería pode verse un resumo en imaxes da competición.
Fotos: O SIL.
