Arredor das 19:19h. deste venres 30 de outubro tiña lugar un accidente de tráfico na Veiga. Un motorista que circulaba por un camiño, saía despedido do vehículo. Como consecuencia diso resultaba ferido leve.
Ata o lugar do suceso desprazábase de inmediato o GES da Veiga, que trasladaba ao motorista ás proximidades da estrada, xunto á ponte da Veiga, onde era asistido por unha ambulancia de Urxencias Sanitarias-061. Despois era trasladado ao Hospital Público de Valdeorras, no Barco.