A Confederación Hidrográfica do Miño-Sil (CHMS) celebraba neste 3 de novembro cuarta reunión da Oficina Técnica da Seca, tras as mantidas en agosto, setembro e outubro, co obxecto de analizar a situación hidrolóxica e a evolución das precipitacións e dos caudais circulantes na demarcación.
“Estamos ante un escenario de escaseza conxuntural nas unidades territoriais do Miño Alto, Miño Baixo, Sil Inferior e Limia” explicou Quiroga, presidente de la CHMS, “situación que, aínda permitindo o cumprimento dos criterios de garantía na atención das demandas recoñecidas, limita os usos non prioritarios” engadiu.
Neste sentido e como recomendacións xerais, “desde a CHMS reiteramos aos Concellos a necesidade de facer un uso sostible e responsable do recurso, facendo fincapé en que o prioritario é o abastecemento á poboación”, indica este organismo.
Así, as administracións locais han de continuar coas “medidas de aforro que comezaron durante o estío, tales como evitar o baldeo de rúas, rega de xardíns, campos de deportes, eliminación de fontes públicas, que contribúen a paliar os efectos da escaseza de precipitacións”, sinala a confederación.
Datos actualizados
Desde o inicio do ano hidrolóxico 2026/2027 o 1 de outubro, rexistráronse 22 l/m² de precipitación media o que supón un 80% menos que o valor medio de outubro. Igualmente, as precipitacións entre marzo e outubro resultaron especialmente escasas.
Pola súa banda, os caudais circulantes sitúanse un 68% por baixo do habitual e os encoros almacenan un 48,6% da súa capacidade, o que representa un 4,4% menos que la media histórica.
“Desde a CHMS, seguimos insistindo na necesidade de facer un uso eficiente da auga e que se tomen tomas as medidas necesarias por parte dos usuarios para consumir o recurso estritamente necesario a través de campañas de concienciación social do bo uso do recurso, sobre todo, ante o este escenario de escaseza conxuntural”, explicou o presidente.
“A adopción de medidas e o concienciar á poboación ao uso racional e responsable da auga é fundamental para paliar os efectos de falta de recurso, a curto e medio prazo”, concluíu Quiroga.