O CEIP Manuel Bermúdez Couso, na Pobra de Trives, acollía este venres 13 de novembro un Magosto KM0 promovido polo GDR Sil-Bibei-Navea no marco do proxecto de cooperación “Saberes e Sabores do Territorio”.
Os escolares celebraron unha das festas máis enraizadas do outono galego cunha degustación de produtos de proximidade achegados por tres produtoras do territorio: as castañas da Cooperativa Amarelante, a Bica de Trives de PanaderÌa Caneda e o mel de “Sabor da Serra”. Representantes de ditos produtos acudiron ao centro para participar no encontro e realizar unha fotografía conmemorativa xunto coa comunidade educativa.
O obxectivo do Magosto KM0 é dar a coñecer os produtos locais e poñer en valor o traballo das persoas produtoras. Na escola, a iniciativa reforza o vínculo entre o alumnado, os produtores e a contorna, e fomenta entre os m·is novos hábitos de alimentación saudables e sostibles a partir do que se cultiva e se elabora a poucos quilómetros das aulas.
Sobre Saberes e Sabores do Territorio
“Saberes e Sabores do Territorio” é un proxecto de cooperación desenvolvido polos Grupos de Desenvolvemento Rural (GDR) de Galicia: Comarca de Lugo, Miño-Ulla, Sil-Bibei- Navea, Comarca de Ourense, Terras de Pontevedra, Terras de Compostela, Comarca de Ordes e Costa da Morte, que ten como obxectivo dar a coñecer a riqueza agroalimentaria e o saber tradicional de cada comarca, achegándoos á cidadanía e, especialmente, ás novas xeracións.
Fotos cedidas.
