CulturaCulturaMúsicaÚltima hora

Fani Vidal, a primeira concursante desta edición da “Liga dos Cantantes Extraordinarios” da TVG en lograr os catro 10 do xurado

 

Aínda queda concurso, andan máis ou menos pola metade, pero a barquense Estefania Vidal Vega é unha das concursantes que está a destacar na “Liga dos Cantantes Extraordinarios” da TVG. De feito xa ganou dous dos sete programas emitidos (os sábados ás 22 horas), o 3º e o 7º, o último celebrado ata o momento.

En cada programa os concursantes interpretan dúas cancións. “Unha que cantamos todos e os dous mellores cantan outra para decidir ao gañador”, explica Fani que neste último gañou cantando primeiro Negra Sombra, o poema de Rosalia de Castro e despois Falli’n de Alicia Keys.

 

 

Ela mesma destaca que no primeiro programa que ganou pasou algo moi curioso, “as dúas cancións que cantei foron coas que gañei o Got Talent na Rúa, La Llorona e You Are de Reason de Callum Scott”. Ademais nese programa foi a primeira concursante desta edición en conseguir os catro 10 do xurado.

Uns resultados que a sitúan no 5º posto do ránking xeral. “Todos os concursantes chegamos ao programa 11 e de aí os dous que máis puntos teñan pasan directamente á final e o resto participa nunha semifinal”, explica Fani que se mantén á espera de que estreen Marusía: Vientos de Honor, a nova serie de Telecinco ambientada na Escola Naval Militar de Marín, na que participou como figurante. “Rodárona o ano pasado xa e estrearase proximamente, pero sen data fixa. Fíxose a premier nun festival e hai pouco outra en Marín coa proxección do primeiro capítulo á que fun”, conta Fani.

Fotos: “Liga dos Cantantes Extraordinarios”.

Back to top button