Mantéñense as cifras de contaxios de coronavirus na Área do PAC de Trives (concellos de Trives, San Xoán de Río e Manzaneda). Así, segundo os últimos datos comunicados polo Sergas (actualizados ás 18h. de onte), neste 13 de decembro son un total de 40 os positivos desta área, o que supón a mesma cifra do pasado venres, cando se facían públicos os anteriores datos.
Os positivos medran en Trives, con 29 casos activos (1 máis que o venres), e en San Xoán de Río con 6 (1 máis que o venres), mentres que descenden en Manzaneda con 5, o que supón 2 menos que o venres.
