A artista Aurora Espina expón “A miña terra” en Santa Leonor (Trives)

O vindeiro 20 de agosto a Sala de Exposicións do Edificio Santa Leonor na Pobra de Trives, acolle unha nova exposición de pintura. Esta poderá visitarse dende o vindeiro 20 de agosto ao 22 de setembro. “A miña terra” é a exposición a través da cal Aurora Espina se expresa mediante diferentes temas e usando distintas técnicas. A presentación da exposición terá lugar o primeiro día de apertura ás 18:00 horas.

A exposición contará con arredor de 25 obras nas que plasma, tal e como ela explica, todo aquelo que lle provoca sentimentos, morriña, recordos, nostalxia. Sanitaria de profesión, con ascendentes de Trives, estivo sempre moi arraigada á vila, onde pasou gran parte da súa infancia e adolescencia.