Identificar e explicar elementos e saberes propios dunha tradición oral como é o Entrudio de Viana do Bolo. É o obxectivo dunha charla que o investigador vianés Pedro Basalo impartirá o vindeiro venres 11 de abril na Facultade de Filosofía e Letras (UEx-Cáceres) baixo o título “O Entrudio de Viana do Bolo e a cultura da oralidade”. A actividade está promovida polos Centros de Estudos Galegos de Cáceres e Padua-Italia (ligados ás universidades de cada cidade).
Por “oralidade”, neste caso, matiza Basalo, “enténdese todo ese saber que non está nos libros e que se transmite de maneira oral, de xeración en xeración. Porque o saber tamén a través da palabra falada”. A charla tamén se poderá seguir vía Zoom.
