A comandancia da Garda Civil de Ourense, en Santa Mariña, acollía na mañá do 10 de maio a conmemoración do 174º aniversario da súa fundación como corpo. Este acto contaba coa presenza de numerosos representantes políticos e sociais da provincia e estaba presidido polo subdelegado do Goberno en Ourense, Roberto Castro.
Na súa intervención, Castro sinalaba que “é o cumprimento do seu deber en beneficio do benestar de toda a cidadanía a quen hoxe, no seu 174º aniversario, quero dirixirme con humildade, agradecemento e respecto, para asignarlle o espazo máis nobre das súas mochilas repletas de honor”. E engadía que “no seu morral levan con orgullo o nome de quen os fogonazos aterradores segaron na contenda. Témolos sempre presentes na memoria”.
