A Área Sanitaria de Ourense, Verín e O Barco rexistra un total de 301 casos activos hoxe (8 máis que onte), segundo confirma a Consellería de Sanidade. Desa cifra total, 15 pacientes están ingresados en planta e 3 pacientes en UCI, os 282 restantes permanecen a seguemento a domicilio.
Así no Hospital Universitario de Ourense hai 14 pacientes ingresados en planta e 4 na UCI, mentres que no Hospital de Verín hai un ingreso en planta. Polo de agora, o Hospital Comarcal de Valdeorras segue libre de virus.
O total de casos rexistrados na provincia ascende a 2.399, con 1.964 curados (12 altas) e 134 falecementos. Na provincia lévanse realizado un total de 42.552 probas PCR.
Falecemento dun paciente no hospital ourensán
Na xornada de onte, venres 28 de agosto, producíase o falecemento dun paciente con Covid de 71 anos que estaba ingresado no Hospital Universitario de Ourense, segundo informa Sanidade, que traslada o seu pésame “á familia e amigos”.