Entre os alumnos galardoados nos premios do concurso galego de debuxo infantil “Eu tamén son diferente”, que promove a marca de galletas Maruxas de Nata de San Sarduniño, estaba Bianca García del Pont, do CEIP Julio Gurriarán do Barco. Esta nena valdeorresa, con orixes en Quiroga, ganaba o certame na categoría de 9 a 10 anos. Os premios entregábanse onte na Casa da Cultura de San Sarduniño. Este certame busca concienciar sobre a inclusión social das persoas con necesidades especiais ou con calquera tipo de discapacidade, sobre todo a das nenas e nenos.
De feito, as Maruxas son as galletas preferidas de Valentina, a nena con síndrome de down que quere ser trapecista e que protagoniza o filme producido e dirixido por Chelo Loureiro, Premio Goya 2022 á mellor película de animación. Loureiro estaba presente na entrega de premios e mesmo levaba o seu Goya, co que podían fotografarse os cativos.
Os outros dous ganadores foron Bruno Melchor Embade, do colexio Valle Inclán, de Ferrol, e Sara Ferreira Méndez, do CPI de San Sadurniño. Ademais dos seus traballos, o xurado (que estivo formado por David Pintor, ilustrador de Valentina; Leandro Lamas e Elga Fernández) escollía outros dezaséis como finalistas. Todos eles forman parte dunha mostra que poderá visitarse nos próximos días na Casa da Cultura de San Sarduniño.
Fotos cedidas.
