A Axencia Estatal de Meteoroloxía (Aemet) vén de activar a alerta laranxa por vento na Montaña de Ourense o longo deste 24 de novembro. Prevense refachos de ata 100 km por hora de compoñente sur, cun nivel de risco importante.
Neste mesmo senso, a Dirección Xeral de Emerxencias e Interior da Consellería de Presidencia, Xustiza e Deportes vén de ampliar a alerta laranxa por vento á Mariña e á Montaña de Ourense.
Co fin de garantir a seguridade dos bens e as persoas, a Dirección Xeral de Emerxencias e Interior, a través do Centro Integrado de Atención ás Emerxencias 112 Galicia, informou da situación aos concellos da provincias afectadas; deputacións, servizos provinciais e agrupacións de voluntarios de Protección Civil e aos clubs náuticos, entre outros.
Ademais, tanto a Montaña de Ourense como resto da provincia está en alerta amarela por chuvias.