“Entroido Galego. Traxe: historia e tradición” é o título dunha mostra que poderá verse ata o vindeiro 6 de febreiro no Corte Inglés de Vigo. A mostra, situada na planta cuarta, inclúe os traxes da Mázcara de Buxán (O Bolo), do Boteiro de Viana do Bolo e de Mormentelos (Vilariño de Conso, de aspecto e comportamento semellante á Mázcara de Manzaneda), do Xeneral da Ulla, do Peliqueiros de Laza, das Madamas e Galáns de Cobres e dos Merdeiros de Vigo.
“Os traxes son, sen dúbida, un dos elementos diferenciadores dos entroidos galegos, e El Corte Inglés de Vigo quere render homenaxe e poñer en valor a riqueza cultural destas vestimentas coa exposición dalgúns dos que son considerados festas de interese turístico”, segundo este centro comercial.
Así os traxes da mostra proceden de cesións realizadas por asociacións, concellos e particulares, co propósito de amosar a riqueza e singularidade desta tradición, cuxo foco está na provincia de Ourense.
Fotos cedidas.