Ambos representantes analizan a situación dos emigrantes ourensáns
O presidente da Deputación de Ourense, Manuel Baltar, recibiu hoxe no Pazo Provincial ao presidente da Irmandade Galega de Venezuela, Roberto González Pérez, que asistiu acompañado do vicepresidente desta entidade, Fernando Pérez. Ambos representantes mantiveron unha reunión na que analizaron conxuntamente a situación actual dos emigrantes ourensáns no país lationamericano.
Neste contexto, Baltar trasladoulle a González a decisión de que a Deputación de Ourense estudará posibilidades de colaboración coa irmandade para axudar a paliar a situación que están a padecer moitos emigrantes ourensáns en Venezuela.