O Club Natación Valdeorras vén de participar nesta fin de semana no I Trofeo Máster “Open” Ciudad de Ponferrada. En total eran dez os membros do club que tomaban parte nesta competición, celebrada o 21 de decembro na Piscina Climatizada Ángel Pestaña El Plantío.
“Foi un evento moi interesante e ben organizado no que participaron 10 nadadores. Destacan os resultados de Fernando Rebanal, que quedou segundo ao nadador completo na súa categoría, así como Jéssica Méndez, Yolanda Vázquez e Carlos González, que quedaron terceiros nas súas”.
Fotos cedidas.