Cita coa arqueoloxía neste mes de novembro na cidade das Burgas. O Museo Arqueolóxico Provincial de Ourense organiza un “Ciclo de Conferencias de Outono” que comezarán o 6 de novembro co relatorio “Escavar en Palestina é que arqueoloxía. O proxecto da UDC en Cisxordania”, que impartirá Juan Luis Montero Fenollós a partir das 19:30h. na aula do segundo andar do Centro Cultural Marcos Valcárcel.
Nese mesmo lugar Marco de la Rasilla Vives abordará o 15 de novembro ás 19:30h. “O grupo neandertal da Cueva del Sidrón. Asturias” e, xa o día 28 de novembro, con ese mesmo horario, a arqueóloga Beatriz Comendador afondará na pintura rupestre esquemática e no seu lugar na paisaxe.
As conferencias de ciclo serán de entrada libre ata completar aforo.
