A XXVI Mostra do Aceite de Quiroga xa ten data para a súa celebración, os días 7 e 8 de marzo. Así o vén de decidir a súa comisión, que se reunía esta semana por primeira vez. Está composta polo alcalde de Quiroga, José Luís Rivera, produtores de aceite e técnicos municipais, que incorpora ao primeiro embaixador do aceite quirogués, o Chef Kike Piñeiro, do restaurante A Horta do Obradoiro en Santiago Compostela.
No decurso deste encontro analizábase a pasada edición e comezaba a deseñarse a seguinte. Sobre a mesa varios temas que se irán perfilando en próximas xuntanzas, pero marcadas xa a data de celebración que mantén a exaltación deste produto quirogués durante dous días e a continuidade dos congresos, que neste 2026 acollerá o seu “III Congreso do Aceite de Oliva de Quiroga”.