Compañeiros e amigos acompañaban este mediodía ao sarxento primeiro Juan Carlos Fernández Rodríguez, xefe do Destacamento da Garda Civil de Tráfico en Valdeorras, que agora pasa á reserva activa. Compartían con el un xantar homenaxe celebrado na Bodega do Peyma (A Rúa).
Con orixes en Raigada (Manzaneda), Juan Carlos Fernández suma 40 anos de servizo na Garda Civil, en lugares como Cantabria ou Aragón, se ben os últimos 22 anos pasounos en Valdeorras. Nesta comarca estableceuse e a súa intención é continuar residindo nela, en concreto, no Barco.
Fotos: Carlos G. Hervella.