Será o xoves 6 de outubro ás 20:30 horas
O Auditorio Municipal de Ourense acolle o vindeiro xoves, 6 de outubro, un concerto solidario de Son do Sil en favor das enfermidades raras. É unha iniciativa organizada pola Asociación Nacional Síndrome de Bardet-Biedl e Ciliopatías (Anasbabi Ciliopatías), que buscará recadar fondos para investigar este tipo de afeccións. O concerto será ás 20:30 horas e as entradas poderán adquirirse no Centro Comercial Ponte Vella, se se merca con antelación, ou dúas horas antes do concerto nas taquillas do auditorio.
A iniciativa solidaria foi presentada esta mañá na Deputación Provincial, ente que colabora con esta asociación, encabezada polo seu presidente, José Carlos Pumar.