O Concello do Barco recibía esta mañá a obra denominada “Reforzo de firme nas estradas de circunvalación de Santa Mariña e Santigoso”, que foi executada pola empresa Aproveitamento de Recursos Naturais de Galicia, S.L., cun orzamento de algo menos de 140.000 euros.
As obras consistiron no reforzo do firme das estradas de circunvalación das localidades de Santa Mariña e Santigoso, mediante un bacheo con Macadam e rego, e o estendido dun dobre tratamento asfáltico e un rego de selado ao longo e ancho da traza, segundo informa a administración local.
O Concello do Barco decidiu dedicar a esta obra a apartación de algo máis de 110.000 euros que lle correspondeu dentro do “Plan provincial de cooperación ás obras e servizos municipais para ou exercicio 2024”, e o resto, ata completar o custo de adxudicación, foi financiado con fondos propios do Concello.