Como consecuencia do temporal que afecta a comarca nos últimos días, parte do firme da estrada N-536 cedía á altura entre Candís (O Barco) e Sobradelo (Carballeda de Valdeorras), onde se están a realizar as obras da nova estrada de circunvalación. Fundía parte dun dos carrís e nel tamén aparecían fendas.
Arestora o tráfico permanece cortado dende Viloira (O Barco), en concreto un pouco antes da ITV, onde unha persoa informa aos condutores sobre a ruta a seguir en función do punto ao que se dirixan.
No lugar está a traballar o persoal da empresa que realiza as obras para intentar solucionar a incidencia e restaurar o tráfico o antes posible.
Fotos: Carlos G. Hervella.