Os deputados ourensáns do PP no Congreso Celso Delgado, Ana Vázquez e Rosa Quintana e as deputadas leonesas Ester Muñoz de la Iglesia e Silvia Franco rexistraban unhas preguntas nesta semana no Congreso dirixida ao Ministerio de Transportes e Mobilidade Sostible (MITMS) relativa aos tramos da autovía A-76 entre O Barco de Valdeorras e Ponferrada.
En concreto, o que preguntaban era “en que mes de 2025 comprométese o Ministerio de Transportes, Movilidad e Axenda Urbana a aprobar o proxecto de construción do primeiro tramo da autovía A-76 (Ourense-Ponferrada) entre Villamartín da Abadía e Requejo” e en “que mes de 2025 comprométese o Ministerio de Transportes, Movilidad e Axenda Urbana a licitar as obras do primeiro tramo da autovía A-76 (Ourense-Ponferrada) entre Villamartín da Abadía e Requejo”.
Estes parlamentarios do PP din que “o goberno de Pedro Sánchez incumpriu flagrantemente os compromisos de licitar estas obras en 2023 e 2024” e consideran que “xa non pode seguir dando escusas nin seguir coa repetitiva mención de que ten o proxecto en redacción“.
