Axentes da Unidade Orgánica de Policía Xudicial da Comandancia da Garda Civil de Ourense (Equipo de Delincuencia Organizada e Antidroga, EDOA), en colaboración coa Unidade Operativa de Vixilancia Aduaneira de Ourense (AEAT), no marco da Operación “FALOPA” veñen de desarticular un grupo criminal dedicado ao tráfico de drogas.
Neste mércores 19 de marzo levábase a cabo a explotación da Operación, na localidade de Verín, onde eran detidas oito persoas e practicábanse tres rexistros domiciliarios. No seu decurso, os axentes incautáronse de 350 gramos de marihuana, 23 gramos de cocaína (envasada e disposta para a venda), 5 gramos de heroína, 16 gramos de haxix, 9 gramos de MDMA, 52 comprimidos de éxtase e opiáceos, 250 gramos de substancia de corte, 4 armas curtas simuladas, útiles para a manipulación e o envasado de drogas, básculas de precisión, teléfonos móbiles, 6.000 euros en efectivo e diversa documentación relacionada cos feitos delituosos.
Esta operación se inciábase a finais do ano 2024, tras ter coñecemento da existencia de varios puntos de venda de droga, en zonas próximas a colexios da localidade de Verín. A operación está dirixida polo Xulgado de Instrución número 1de Verín e o Fiscal Antidroga da Fiscalía de Ourense.